Mar Gheall Orainn

Fáilte chuig Jabanna Éireann

Ceanglaímid Fostóirí agus an Lucht Cuardaigh Fostaíochta

Is mian linn an tseirbhís um fholúntais agus um chomhoiriúnú poist is mó a thaitníonn le daoine ar líne in Éirinn a dhéanamh de Jabanna Éireann i dtaca leis na fostóirí agus i dtaca leis an lucht cuardaigh fostaíochta araon. Tríd an teicneolaíocht is déanaí a úsáid, déanaimid na hiarrthóirí is fearr a chomhoiriúnú leis na poist is fearr. Tá an tseirbhis furasta le húsáid agus tá sé saor in aisce.

Fostóirí – Cén fáth ar chóir Jabanna Éireann a úsáid?


Cruthaigh Do Dheis Nua Inniu Cláraigh Anois

Laghdaigh an dua agus an costas a bhaineann leis an earcaíocht.

Is ionann d’fhostóirí agus an acmhainn is luachmhaire atá agat, ach d’fhéadfadh sé a bheith costasach agus d’fhéadfadh sé go leor ama a ghlacadh chun teacht ar an duine ceart le dul isteach san fhoireann agat. Táimid anseo chun cabhrú leat. D’úsáid fostóirí ár seirbhís saor in aisce chun breis agus 120,000 post a fhógairt anuraidh. Bí leo agus sábháil do chuid ama agus do chuid airgid.

Ceanglaíonn Jabanna Éireann thú leis na heiseamláirí is fearr den tallann áitiúil, náisiúnta agus Eorpach. Tá ár 15 bliana de thaithí earcaíochta úsáidte againn chun an teicneolaíocht is déanaí sa chomhoiriúnú poist a chur ar fáil duit, rud a éascaíonn d’obair ó thaobh iarrthóirí oiriúnacha a aithint. Thairis sin, tacaíonn ár gcóras bainistíochta iarrthóirí le gach céim den phróiseas earcaíochta: ó phoist a fhógairt, iarrthóirí a aithint agus scéala a chur chuig iarrthóirí – go dtí post a thairiscint do dhuine.

Agus ní ghearrtar aon táille as an tsainseirbhís seo a úsáid.

Caithfidh go bhfuil lúb ar lár ann? Níl aon lúb ar lár ann – mar sin, cláraigh agus tosaigh ar an tseirbhís a úsáid inniu!

Lucht Cuardaigh Fostaíochta – Cén fáth ar chóir Jabanna Éireann a úsáid?


Is cuma má tá do chéad phost á lorg agat, nó má tá tú ag smaoineamh ar do phost nó ar threo do ghairme a athrú, is féidir linn cabhrú leat. Ceanglaíonn Jabanna Éireann thú leis na mílte fostóirí de gach méid agus i ngach earnáil. Rinneamar breis agus 120,000 post a fhógairt in Éirinn anuraidh – agus tá sé mar aidhm againn toradh níos fearr a bhaint amach i mbliana!

D’fhéadfadh sé a bheith deacair an post foirfe a fháil. Éascaímid an obair seo tríd an gcor is déanaí a thairiscint duit i dtaca leis an gcomhoiriúnú uathoibríoch poist agus i dtaca leis na fógraí uathoibríocha post. Inis dúinn faoi do scileanna agus do thaithí agus is féidir le Jabanna Éireann iad a chomhoiriúnú leis na folúntais reatha agus na torthaí a chur in iúl duit. Is furasta é seo a dhéanamh!

An bhfuil tú ag smaoineamh ar dhul thar lear? Tá Jabanna Éireann ceangailte freisin le Tairseach EURES um Shoghluaiseacht ó Phost go Chéile ar a liostaítear breis agus milliún folúntas i bpoist ar fud na hEorpa faoi láthair.

D’fhéadfadh sé a bheith deacair cinntí a dhéanamh ar do ghairm. Cuirimid caoi ar fáil le teacht ar chomhairle ionraic ó shaineolaithe chun é a éascú beagáinín, chomh maith le leideanna ar ullmhúchán CV agus ullmhúchán d’agallamh.

Faigh do Phost Nua Inniu  Cláraigh Anois


Mar gheall ar do shonraí  cliceáil anseo chun ár mbeartas príobháideachais a léamh agus chun a fheiceáil conas mar a dhéanann Jabanna Éireann do shonraí a choinneáil faoi rún agus a choinneáil slán.

  • “The EURES team did a great job in selecting the candidates, preparing them for interviews and co-ordinating this whole process so quickly” Jennifer Feaster (Illuminata Media)

  • “The organisation and support was great. It made us feel like we are part of a significant initiative which gains more positive momentum each year” Feeding Ireland’s Future participant