Fúinn

Cad é JobsIreland.ie?

Is é JobsIreland.ie an tSeirbhís Fostaíochta Poiblí sa Roinn Gnóthaí Fostaíochta agus Cosanta Sóisialta. Cuirimid seirbhís fógraíochta poist ar fáil saor in aisce d’fhostóirí agus cuireann muid ar chumas lucht cuardaigh fostaíochta poist a chuardach agus próifíl a chruthú chun a gcuid scileanna agus taithí a mheaitseáil leis na poist atá ar fáil.

Cuimsíonn an tseirbhís seo líonra foirne a sholáthraíonn sainthreoir agus acmhainní do chuardaitheoirí poist agus d’fhostóirí araon. Is féidir leo cabhrú le cuardaitheoirí poist a CV a chruthú agus a bpost idéalach a fháil, agus cuidiú le fostóirí poist a chur chun cinn agus a gcuid riachtanas a mheaitseáil le próifílí cuardaitheora poist ag baint úsáide as an teicneolaíocht is déanaí.

Cé atá in ann JobsIreland.ie a úsáid?

Nascann JobsIreland.ie daoine atá ag lorg oibre le fostóirí ionchasacha. Nascann sé aon duine atá ag lorg fostaíochta, nó atá ag smaoineamh ar threoir poist nó gairme a athrú le fostóirí atá ag fógraíocht folúntais agus ag fruiliú go gníomhach.

Chun rochtain a fháil ar an tseirbhís iomlán JobsIreland.ie agus chun do chuardach poist a thosú, beidh cuntas bunúsach MyGovID ag teastáil uait chun logáil isteach i JobsIreland.ie. Mura bhfuil cuntas agat cheana, is féidir leat ceann a chruthú ar gov.ie.

Conas is féidir le JobsIreland.ie cabhrú

Ullmhú CV

Tugann JobsIreland.ie rochtain duit ar chomhairle gairme agus leideanna maidir le CV agus ullmhú agallaimh chun cabhrú le do chuardach poist. Is féidir le CV dea-scríofa agus scileanna maithe agallaimh feabhas mór a chur ar do dheiseanna fostaíochta a fháil.

Tacaíocht chustaiméirí

Tá an fhoireann Tacaíochta do Chustaiméirí JobsIreland.ie ar fáil ó Luan go hAoine 9rn go 5in má theastaíonn cúnamh uait chun clárú don tseirbhís JobsIreland.ie nó má theastaíonn comhairle uait maidir le tacaíochtaí eile atá ar fáil. Is féidir leat teagmháil a dhéanamh leo ar an bhfón ar 0818 111 112 nó 01 248 1389 nó trí r-phost jobsireland@welfare.ie .

Is féidir leat JobsIreland a leanúint freisin ar Facebook, Twitter, LinkedIn agus Instagram.

}